وفاقی وزارت مذہبی امور نے بتایا ہے کہ حج کے لیے آن لائن رجسٹریشن کا عمل جاری ہے اور اب تک 3 لاکھ 8 ہزار سے زائد افراد نے رجسٹریشن کرالی ہے۔
وزارت مذہبی امور کی جانب سے حج رجسٹریشن اپڈیٹ میں بتایا گیا کہ حج 2027 تا 2030 کے لیے آن لائن رجسٹریشن کا عمل کامیابی سے جاری ہے اور گھر بیٹھے رجسٹر ہونے والے عازمین حج کی تعداد 3 لاکھ 8 ہزار سے تجاوز کر گئی ہے۔
بیان میں بتایا گیا کہ حج پورٹل یا موبائل ایپ ‘پاک حج’ کے ذریعے رجسٹریشن کا عمل نہایت آسانی سے ممکن ہے۔
