سعودی ویمن فٹ بال پریمیئرلیگ 27 ستمبر سے سعودی عرب میں شروع ہو رہی ہے جس میں نئی نسل کی ویمن فٹبال پلیئرز کو متعارف کرایا جائے گا۔
خبررساں ادارے کے مطابق سعودی فٹبال فیڈریشن کے تحت 18 ہفتوں پر مشتمل ویمن فٹ بال پریمیئرلیگ کے تحت 90 میچز کھیلے جائیں گے ، ویمن پریمیئر لیگ تیسرے سیزن میں 200 سے زائد پلیئرز نے خود کو رجسٹر کرایا ہے۔
نئے سیزن کے آغاز سے قبل لیگ میں 15 سے زائد 10 فٹبال کلب سے تعلق رکھنے والی انٹرنیشنل پلیئرز نے شرکت کی ہے جن کا تعلق 20 سے زیادہ ملکوں سے ہے۔
سعودی فٹبال فیڈریشن کے چیئرمین یاسر المسحل کا کہنا ہے ہمیں خوشی ہے کہ سعودی خواتین ٹیم بھی تیزی سے ترقی کر رہی ہے، ہم ویمن فٹ بال پریمیئر لیگ کے انعقاد پر بہت پرجوش ہیں۔ اس حوالے سے بھرپور اقدامات کئے جا رہے ہیں تاکہ پریمیئر لیگ کو ہر لحاظ سے کامیاب بنایا جا سکے.
نئے سیزن کے آغاز سے قبل سعودی فٹبال فیڈریشن میں شعبہ خواتین کی صدر علیا الرشید کا کہنا تھا گزشتہ دو سیزن میں سعودی ویمن پریمیئر لیگ نے بہتری حاصل کی جو خوش آئند ہے،
ماضی میں کوئی پروفیشنل ویمن پلیئر نہیں تھی مگر اب 20 ممالک کی ٹیموں سے مقابلے کے لیے تیارہیں۔
