پاکستانی اسپنر سعدیہ اقبال مختصر دورانیہ کی کرکٹ میں آئی سی سی پلیئر رینکنگ ٹیبل میں سرفہرست ہونے والی پاکستان کی پہلی کھلاڑی بن گئی ہیں۔
پاکستان ویمنز کرکٹ ٹیم کی مایہ ناز اسپنر سعدیہ اقبال نے انگلش کرکٹر سوفی ایکلسٹن کو پیچھے دھکیل کر ٹاپ پوزیشن پر قبضہ جما لیا ہے تاہم وہ زیادہ دیر پوزیشن کو سنبھال نہ سکیں اور روں ہفتے کے آخر تک انہیں ٹاپ پوزیشن سے دوبارہ ایکلیسون نے محروم کر دیا تھا۔
ایکلیسون فروری 2020 سے ہی ویمنز کرکٹ کی ٹی20 بولرز رینکنگ میں سرفہرست چلی آ رہی تھیں تاہم گزشتہ ہفتے پاکستانی اسپنر سعدیہ اقبال نے ان کاتختہ الٹ دیا تھا اور اس پوزیشن پر قبضہ جما لیا تھا۔
ویمنز ٹی20 ورلڈکپ کے افتتاحی میچ میں سری لنکا کے خلاف 17 رنز کے عوض 3 وکٹیں لینے کے بعد سعدیہ اقبال نے سب سے پہلے ایکلیسون کے ساتھ برابری حاصل کر لی تھی لیکن انگلش کرکٹر نے دوبارہ یہ پوزیشن حاصل کر لی تھی۔
دونوں بولرز کے درمیان محض 8پوائنٹس کا فرق چلا آ رہا ہے، سوفی ایکلیسون 762 اور سعدیہ اقبال 754 ریٹنگ پوائنٹس کے ساتھ آئی سی سی پلیئرز رینکنگ ٹیبل پر موجود ہیں اور ممکن ہے کہ میگا ایونٹ کے دوران سعدیہ اقبال دوبارہ ٹاپ پوزیشن حاصل کرنے میں کامیاب ہو جائیں۔
ٹی20 فارمیٹ میں پاکستانی اسپنر سعدیہ اقبال کا یہ سال شاندار جا رہا ہے انہوں نے 2024 میں سب سے زیادہ 17 میچوں میں 28 وکٹیں حاصل کر رکھی ہیں۔
سابق پاکستانی ویمنز کپتان ثنا میر آئی سی سی ون ڈے پلیئر ٹیبل میں سرفہرست رہنے والی واحد دوسری پاکستانی خاتون کرکٹر ہیں، جنہوں نے 2018-19 ٹاپ پوزیشن پر رہنے کا اعزاز حاصل کیا تھا۔
