قومی کرکٹ ٹیم کے اسٹار فاسٹ بولر حارث رؤف کے ہاں بیٹے کی پیدائش ہوئی، جس کی تصدیق انہوں نے سوشل میڈیا پر کی۔
حارث رؤف نے انسٹاگرام پر ایک دلکش ویڈیو شیئر کی، جس میں وہ اپنے بیٹے کو گود میں لیے نظر آ رہے ہیں۔ ویڈیو کے پس منظر میں عربی دعا سنائی دے رہی ہے، جبکہ انہوں نے جذباتی انداز میں ایک خوبصورت دعا بھی لکھی۔
کرکٹر نے مزید بتایا کہ انہوں نے اپنے بیٹے کا نام “محمد مصطفیٰ حارث” رکھا ہے۔
قابل ذکر بات یہ ہے کہ گزشتہ روز شاہین آفریدی اور شاداب خان نے بھی حارث رؤف کو بیٹے کی پیدائش پر مبارکباد دی تھی، تاہم اس وقت کرکٹر کی جانب سے کوئی باضابطہ ردعمل سامنے نہیں آیا تھا۔
یاد رہے کہ حارث رؤف نے 24 دسمبر 2022 کو اپنی ہم جماعت مزنا مسعود کے ساتھ نکاح کیا تھا، جبکہ ان کی رخصتی جولائی 2023 میں ہوئی تھی۔
