واشنگٹن: امریکہ نے آبنائے ہرمز میں ایران کے میزائل اور ریڈار نظام کی دوبارہ تعمیر روکنے کے لیے محدود فوجی حملوں کے آپشن پر غورشروع کر دیا ہے۔
غیر ملکی میڈیا کے مطابق ان کارروائیوں کا مقصد ایسے ایرانی نظام کو دوبارہ فعال ہونے سے روکنا ہے جو آبنائے ہرمز سے گزرنے والے بحری جہازوں کے لیے خطرہ بن سکتے ہیں۔
ویب سائٹ ایکسیوس کے مطابق تین امریکی حکام نے بتایا ہے کہ امریکی سینٹرل کمانڈ نے گزشتہ ہفتے کے دوران محدود فوجی کارروائی کا منصوبہ تیار کیا تھا، جبکہ امریکی وزیر دفاع پیٹ ہیگسیتھ نے اس منصوبے کی حمایت کی ہے۔
