پشاور:نجی ٹی وی کی رپورٹ کے مطابق ذرائع نے دعویٰ کیا ہے کہ فیصلہ سازوں کے لیے اب صرف پاکستان تحریک انصاف کا لانگ مارچ مسئلہ نہیں رہا بلکہ خیبرپختونخوا میں سہیل آفریدی کی حکومت کا معاملہ بھی زیر غور ہے۔
ذرائع کے مطابق معاملہ اب لانگ مارچ سے آگے بڑھ چکا ہے اور اسے قومی سلامتی سے جوڑا جا رہا ہے۔ ذرائع کا دعویٰ ہے کہ اسی بنیاد پر سہیل آفریدی کی حکومت کو ختم کرنے کا فیصلہ کرلیا گیا ہے۔
ذرائع نے الزام عائد کیا ہے کہ سہیل آفریدی اور ان کے ساتھی دہشت گردوں کے ساتھ مل کر پاکستان کو کمزور کر رہے ہیں جس کے باعث ملک میں دہشت گردی میں اضافہ ہو رہا ہے۔ تاہم یہ الزامات ذرائع کی جانب سے کیے گئے دعوے ہیں۔
رپورٹ کے مطابق ذرائع کا کہنا ہے کہ حکومت کا معاملہ اب صرف پی ٹی آئی کے لانگ مارچ تک محدود نہیں رہا۔ فیصلہ سازوں کے حوالے سے بتایا گیا ہے کہ پی ٹی آئی لانگ مارچ کرے یا اسے ملتوی کرے اب اصل توجہ اس معاملے سے آگے بڑھ چکی ہے۔
ذرائع کے مطابق موجودہ صورتحال میں بنیادی مسئلہ قومی سلامتی قرار دیا جا رہا ہے اور اسی تناظر میں خیبرپختونخوا حکومت کے مستقبل سے متعلق اہم فیصلے کیے جانے کا امکان ظاہر کیا گیا ہے۔
