تل ابیب:اسرائیل میں عام انتخابات کے ابتدائی نتائج کے مطابق وزیر اعظم بنیامین نیتن یاہو کا اتحاد پارلیمان میں سادہ اکثریت حاصل کرنے میں ناکام دکھائی دے رہا ہے جس سے ان کے اقتدار کو خطرات لاحق ہوگئے ہیں۔
90 فیصد ووٹوں کی گنتی کے بعد 120 رکنی پارلیمان میں نیتن یاہو کے اتحاد کو 53 نشستیں ملنے کا امکان ہے جبکہ اپوزیشن 48 نشستیں حاصل کرسکتی ہے۔ عرب جماعتوں کو مجموعی طور پر 19 نشستیں ملنے کی توقع ہے جو حکومت سازی میں اہم کردار ادا کرسکتی ہیں۔
نیتن یاہو کی لیکود پارٹی 26 نشستوں کے ساتھ سب سے بڑی جماعت بن کر ابھری ہے تاہم ان کے سخت گیر اتحادیوں کی نشستیں کم ہوکر 13 رہنے کا امکان ہے۔ انتخابات میں ووٹنگ کا تناسب 78 فیصد رہا۔
اپوزیشن رہنما گادی آئزن کوٹ نے دعویٰ کیا ہے کہ عوامی مینڈیٹ نیتن یاہو کے خلاف ہے۔ ابتدائی نتائج کے مطابق نئی حکومت کی تشکیل کا انحصار اتحادی جماعتوں کے فیصلوں پر ہوگا۔
