معروف ٹیکنالوجی کمپنی ایپل کے پہلے فولڈنگ اسمارٹ فون آئی فون ڈوو کی پری آرڈر بکنگ شروع ہوتے ہی صارفین کی بڑی تعداد نے دلچسپی ظاہر کی جس کے باعث آدھے گھنٹے بعد ہی ڈیلیوری کے لیے کئی ماہ انتظار کی اطلاعات سامنے آگئیں۔
ایپل نے 16 اکتوبر سے فون کے پری آرڈرز شروع کیے تھے جبکہ ابتدائی خریداروں کو ڈیلیوری اور باقاعدہ فروخت کا آغاز 23 اکتوبر سے ہونا تھا۔
امریکا اور برطانیہ میں ایپل کے آن لائن اسٹورز پر نئے آرڈر دینے والے صارفین کو بتایا گیا کہ فون کی ڈیلیوری 22 جنوری تک ہوسکے گی۔
آئی فون ڈوو کو کمپنی کے تقریباً 20 سالہ سفر میں ڈیزائن کی بڑی تبدیلی قرار دیا جا رہا ہے۔ تاہم اس کی مجموعی فروخت اور دستیابی کے اعداد و شمار ابھی سامنے نہیں آئے۔
